Næring

Dei viktigaste næringane i Suldal
Suldal sitt næringsliv er i stor grad basert på dei gode naturgjevne føresetnadene i kommunen.
Ein av dei viktigaste næringane er energiproduksjon.  Ulla Førre er Nord-Europas største vasskraftutbygging.  I tillegg kjem produksjonen ved Hydro Kraftproduksjon Røldal-Suldal, Suldal Elverk KF og ei rekke småkraftverk.
Vidare er produksjon av pukk og tilslag til asfalt og betong ei viktig næring.  Norsk Stein er den største produksjonsverksemda for tilslag (steinknusebedrifta) i Skandinavia.
Tradisjonelt er Suldal rekna som ein landbrukskommune.  Variert og vakker natur gjer også Suldal til ein attraktiv turist- og hyttekommune.  Sist, men ikkje minst, nemnar me transportnæringa som ei viktig næring i Suldal.